Translate

viernes, 28 de marzo de 2025

VISITA DE ANDREA MACEIRAS

 Ola a todos e todas!!

Estamos moi contentos porque o vindeiro martes día 1 de abril visítanos a autora do libro "A folla Azul", Andrea Maceiras.

O alumnado de 5º crearon carteis para anunciar ese momento e quedaron espectaculares, xa están colocados en diferentes rincóns do cole. 

Aquí volos deixo para que os poidades desfrutar! Pero... faltan algúns que están en proceso!! Proximamente poderedes velos tamén!!




Ademais xa están publicados tamén no blog da biblioteca, xunto cunha información máis completiña desta visita  e outras informacións moi interesantes que nos afectaron esta semana. Podedes acceder premendo na seguinte imaxe:
Noraboa á autora do libro, porque nos gustou moito; e noraboa aos autores dos carteis porque quedaron...chulísimos!!
Ata pronto!!
****
Por fin chegou o día de coñecer a Andrea Maceiras. 
Esperamos con ilusión a súa chegada.
Fixémoslle unha morea de preguntas sobre o libro, sobre a súa inspiración para crealo e todas as curiosidades que tiñamos, e contestou moi amablemente a todas elas.
Sorprendeunos saber que empezou a escribir coa nosa idade. 
Tal vez entre nós hai algún futuro escritor ou escritora que está dando agora os seus primeiros pasos! 
Cando remataron as preguntas entregámoslle o agasallo que fixemos entre todos os nenos e nenas de 5º A e B, no que lle expresamos o moito que nos gustou a través das nosas 
opinións  e debuxos.

Por último firmounos os libros a todas e todos e tamén 
un dos anuncios da súa visita para que nos quede de recordo.
Encantounos a experiencia e agradecémoslle que viñese visitarnos e nos tratase con tanta atención.
Grazas, Andrea! 
Ata a próxima!!

2 comentarios:

  1. Me encanto la visita de Andrea Maceiras lo pase genial :D.

    ResponderEliminar
  2. Encantoume a visita da autora ANDREA MACEIRAS,foi moi divertido e emocionante,gracias ANDREA por vir a visitarnos!!!! ZULE

    ResponderEliminar