OBRADOIRO JOSE

Ola a todos e todas!!

Este luns estivo na nosa clase Jose, 

o papá de Ángela, e falounos sobre o seu traballo

como carretilleiro nunha fábrica de conxeados.

Nun plano puidemos ver que

é unha fábrica enooorme!! 

Alí traballan con alimentos conxeados,

e teñen que estar en cámaras frígoríficas grandísimas, 

tan grandes coma o edificio da nosa clase!! Por iso usa unha roupa de traballo especial, moi abrigosa, 

para protexerse do frío e da humidade.

Non pode estar coa roupa da rúa, porque

podería contaminar os alimentos. Ademais ten 

que pasar por unha zona onde desinfecta 

moi ben as mans para poder entrar.

Traballa de noite, cando os alimentos están 

xa gardados e poden recoller e desinfectar todo 

moi ben sen contaminalos.

Na fábrica hai zonas onde se desconxelan os produtos 

e outras  onde se traballa cos alimentos xa cocidos.

Despois pasan por MÁQUINAS moi grandes que envasan

os alimentos para que poidan chegar a todo o mundo sen estropearse: Estados Unidos, China, Francia, Xapón...

Coa carretilla leva todos os cartóns 

aos seus contedores de reciclaxe. Pero antes

teñen que pasar por unha máquina que os aplasta

para que non ocupen tanto.

O contedor do CARTÓN é o de cor AZUL.

E os PLÁSTICOS lévaos ao contedor AMARELO.

  É moi importante reciclar para coidar o noso 

planeta, e nós tamén o facemos na nosa clase.

Moitas grazas Jose por regalarnos 

o teu tempo e ensinarnos tanto.

Encantounos aprender cousas sobre as fábricas e recordáchesnos a importancia da reciclaxe e

o necesario que é traballar en equipo e axudar aos compañeiros para que todo saia ben.

E moitas grazas a Ángela por ser unha 

fantástica axudante!!

Pasámolo moi ben e aprendemos un montón!!

Ata a próxima!!