OBRADOIRO ESTELA

  Ola a todas e todos!!

Este venres veu ao noso cole Estela, 

a mamá de Ángela, para falarnos da súa profesión: 

técnico de calidade nunha fábrica conserveira.

 Ángela encargouse do ordenador para 

axudarlle á súa mamá a explicarnos

todos os detalles.

Estela contounos como os idiomas,

especialmente o inglés, son necesarios

 para moitos postos de traballo, polo que 

é moi importante estudalo no cole.

Que ben que nós xa o estudamos no cole!

Mostrounos as diferentes conservas que 

envasan na súa fábrica e algunhas máquinas

que utilizan para facelo. Démonos conta de que

esas conservas que eles envasan na FÁBRICA

 son peixes,mariscos e vexetais que antes 

outras persoas recolleron no mar ou no campo, 

é dicir, traballando NA NATUREZA.

 Tamén vimos a roupa 

de protección que levan as persoas.

Chamounos a atención que non puidesen

traballar coas uñas pintadas, nin levar reloxos, 

pendentes, aneis, nin tan sequera...maquillaxe!

Tampouco poden levar a roupa de andar pola 

rúa, e deben poñer unha cofia.

Estela é quen vixía para que se cumpran

todas esas normas, e explicounos por que. 

Entendémolo moi ben: é para evitar 

que caian obxectos estranos dentro das latas,

xa que contaminarían os alimentos.

Tamén deben usar calzado de protección

para evitar esvarar e facerse dano.

Puidemos tocar e ver as partes das latas 

cando aínda están baleiras, e explicounos 

como fan para cerralas cando xa están cheas. 

Sorprendeunos moito!!

Ao rematar Estela e Ángela repartiron...

 latas para todos e todas!!

Moi ilusionad@s comezamos a abrilas!

Que pensades que había dentro?? 

Mexillóns??

Ensalada ou atún??

Nada diso!! 

Era unha lata cheíña de chuches!!

Démoslle un forte aplauso por ensinarnos

tantísimas cousas, por responder a todas as

nosas preguntas e por traernos este 

agasallo tan doce!!

Moitas grazas Estela,

por vir ao noso cole a pasar este ratiño

con nós e mostrarnos como detrás das latas de

conservas que temos nas nosas casas hai moitos traballadores e traballadoras coma ti

que deben ser moi responsables e vixían

para que os alimentos que tomamos

estean en bo estado.

E moitas grazas, Ángela, por ser 

unha axudante súper profesional!!

Pasámolo moi ben e aprendemos un montón!!

Ata a próxima!!