OBRADOIRO MONTSE

  Ola a todas e todos!!

Este mércores, entre festivo e festivo, veunos

visitar a mamá de Carla, para explicarnos 

como é o seu traballo de enfermeira.

Carla fixo un estupendísimo traballo para axudarlle 

 e entre as dúas explicáronnos cousas

moi importantes que nos poden axudar a todos.

 

Empezaron por recordarnos o importante que é 

para a saúde lavar as mans correctamente.

A continuación explicounos 

como actuar ante  un atragantamento: 

dando golpiños primeiro coa man...

...e se iso non funciona, practicando a 

MANOBRA DE HEIMLICH.

   

Contounos tamén que ante

 unha situación de emerxencia debemos

seguir o "PAS"

(PROTEXER + AVISAR + SOCORRER)

1º. PROTEXER AO ACCIDENTADO E Á PERSOA QUE  INTERVÉN.

2º. AVISAR A UN ADULTO OU CHAMAR AO 112.

3º. SOCORRER: 

👉 COMPROBAR SE A PERSOA RESPIRA.

👉 SE RESPIRA, COLOCALA EN 

POSICIÓN LATERAL DE SEGURIDADE.

👉 SE NON RESPIRA, REALIZAR UNHA 

"RCP" 

(REANIMACIÓN CARDIOPULMONAR).

Montse ensinounos esta canción para recordar

moi ben todos estes pasos:

Por último, explicounos que son e 

para que serven as FÉRULAS.

Esta chámase "ranita".

Coa colaboración do profe Toño

ensinounos a facer unha vendaxe.

 

Encantounos practicar, e ademais

deunos vendas para que puidésemos

seguir practicando cos nosos bonecos e familiares!

Moitas grazas Montse,

por compartir con nós o teu tempo 

e os teus coñecementos. Puidemos coñecer

e practicar cousas moi, moi importantes para 

a saúde das persoas, actuacións que poden 

chegar a SALVAR UNHA VIDA!!

E moitas grazas, Carla, pola túa 

marabillosa colaboración!!

Pasámolo moi ben e aprendemos un montón!! 

Ademais, consideramos que son coñecementos

interesantes para toda a comunidade educativa, 

polo que dende o 

 Departamento de Dinamización da Lingua Galega 

do cole estase preparando un vídeo desta sesión, 

para que poida chegar a todos os nenos e nenas 

do cole e as súas familias.

Enlazareino aquí nesta entrada cando estea listo!!

Ata pronto!!

***

Aquí o temos!!

Tamén o podedes ver en 

Carcamán TV premendo 

no seguinte enlace.

RADIO TV CARCAMÁN

Ata a próxima!!