OBRADOIRO TAMARA

 Ola a todos e todas!!

Este venres visitounos Tamara, 

a mamá de Marco, para contarnos sobre 

o seu traballo como dependenta nun 

comercio de roupa.

Trouxo o seu uniforme de traballo, que

cambia según a estación do ano, para que

poida estar máis cómoda e non pase frío

no inverno nin calor no verán.

 Tamén ten que levar sempre posta a súa tarxeta de

identificación, que serve para "ticar" cando entra

no seu traballo e tamén cando sae.

Ensinounos algúns obxectos cos que traballa:

Unha PDA, que serve para poder localizar a roupa no almacén e para poder localizar a través da alarma as prendas que non aparecen. Tamén un Ipod que utiliza para facer as compras "online", é dicir, por internet.

Algunhas veces ten que montar caixas para 

enviar os pedidos "online", e Tamara trouxo 

moitas caixas para que puidesemos montalas nós.

Ao principio pensamos que era moi fácil...

pero cando comezamos a montalas vimos

que hai que ter algo de práctica para facelo ben!!

Ensinounos como se etiqueta a roupa para

as rebaixas, que é cando baixan o prezo 

dalgunhas prendas.

Trouxo roupa chulísima e con ela puidemos

formar algúns "looks", porque non é o mesmo vestir

para ir facer deporte que para unha ocasión especial...

Despois practicamos a ir de compras

 co diñeiro que temos o cole, 

e mercamos algúns modeliños.

E como nos encanta pagar co noso diñeiro, 

Tamara e Marco ofrecéronse a facer de 

dependentes na tenda da nosa clase.

Por último tróuxonos dúas caixas moi chulas,

que sorteamos. Son para meter tarxetas regalo do seu comercio, e ademais tróuxonos outro agasallo delicioso!!

Moitas grazas Tamara por compartir con nós

un anaquiño do teu tempo e ensinarnos tanto.

Axudounos moito a practicar as compras e os prezos,

aprendemos como vestirnos para diferentes ocasións

e ensináchesnos o importante que é 

ser amables  e axudar aos clientes para que 

queden contentos e queiran volver.

E moitas grazas a Marco por ser un 

axudante xenial!!

Pasámolo moi ben e aprendemos un montón!!

Ata a próxima!!