OBRADOIRO BELERMO

  Ola a todas e todos!!

Hoxe estivo na nosa aula Belermo,

o papá de Sara, e contounos moitas 

cousas sobre a súa profesión de bateeiro.

Tróuxonos unha MAQUETA dunha BATEA 

e explicounos que as bateas son  de madeira 

de eucalipto, e debaixo teñen flotadores 

para que floten sobre o mar. Se se coidan 

moi ben poden durar ata 30 anos!

Andar por enriba dunha batea é moi difícil, 

teñen que ter moito coidado para non caer,

e se caen é moi importante saber nadar!!

Os días de temporal teñen que avanzar de

XEONLLOS, porque é máis perigoso.

Para que non se vaia a batea cando hai temporal, 

no fondo ten unha pedra de moitas TONELADAS, 

que se chama MORTO, e está enganchada cunha 

cadea á batea. Así a batea móvese ao ritmo do mar

 e das MAREAS. Se a cadea se rompe, 

a batea vaise polo mar...

Debaixo da batea colgan as cordas, onde se 

coloca a cría de mexillón cunhas redes 

BIODEGRADABLES, que quere dicir que desaparecen 

soas en poucos días e non dañan o mar. 

A cría de mexillón cóllese antes nas 

rochas. Descubrimos que os mexillóns 

son OVÍPAROS, porque nacen de ovos.

 Despois a cría medra nas cordas da batea 

durante UN ANO E MEDIO, ou o que é o mesmo, 

18 MESES. Están todo o tempo comendo, pero descubrimos que cando máis medran 

é nas estacións de PRIMAVERA E VERÁN.

Belermo tróuxonos  mexillóns de distintos 

tamaños e fixámonos en que estaban 

ORDENADOS de MAIOR A MENOR. 

Presentámosvos a Pepín, Pepón, 

Enanín, Enanín Mediano...

 

Coa axuda de Sara mostrounos fotos 

e vídeos moi chulos.

Vimos como son as bateas por debaixo... e explicounos que arredor das cordas hai moitos 

SERES VIVOS formando un ECOSISTEMA: 

algas, nécoras, camaróns, polbos...

Para sacar os mexillóns do mar para o barco

 axúdanse dun GUINDASTRE e un gran CESTO.

Explicounos tamén que hai diferentes tipos de 

barcos: de motor, de remo ou de vela. 

O mexillón é un alimento moi saudable e pódese 

preparar de moitas formas, todas riquísimas. 

Pero xa sabemos que antes ten que pasar pola 

fábrica ou pola depuradora ata chegar ao mercado.

Belermo utiliza ROUPA DE AUGAS para non

mollarse. É unha roupa feita de plástico, porque 

o plástico  é un material IMPERMEABLE que non deixa pasar a auga. Ten un PETO onde pode gardar as LUVAS, 

que serven para protexer as mans, por exemplo dos ourizos de mar. Utiliza roupa de augas diferente 

no VERÁN e no INVERNO.

Descubrimos que hai diferentes maneiras de 

traballar: podes ser o teu propio xefe ou podes 

traballar para outras persoas. Pero sempre

hai que estudar e facer cursos para 

 SEGUIR APRENDENDO.

En GALICIA moitos homes e mulleres traballan 

nas bateas, e collen moitos mexillóns que van 

chegar moi lonxe: ITALIA e FRANCIA, 

ESTADOS UNIDOS, PORTUGAL...

Para rematar Belermo e Sara 

entregáronnos un agasallo delicioso!!

Moitas grazas Belermo, por visitarnos e

recordarnos como todos os traballos

están relacionados, e que todos son importantes

xa que uns necesitan dos outros.

Aprendemos moito sobre a cría 

dos mexillóns e démonos conta de que 

lle dan traballo a moitas persoas.

Tamén comprendemos que temos moita sorte de 

vivir nun lugar privilexiado, que nos ofrece alimentos súper ricos e saudables e ademais lugares onde 

podemos desfrutar do sol, do mar e algunhas veces 

incluso da compañía dos golfiños. 

E moitas grazas a Sara por 

ser un axudante estupenda!!

Pasámolo moi ben e aprendemos un montón!!

Ata a próxima!!