OBRADOIRO MANUEL

 Ola a todas e todos!!

Hoxe estivo na nosa aula Manuel,

o papá de Xoán, para explicarnos 

como é o seu traballo de bateeiro.

Tróuxonos dúas MAQUETAS: unha BATEA 

e un BARCO. Unha batea de verdade 

é grandísima. Pode ser cinco veces 

máis grande que a nosa clase!

Pode ter ata 500 cordas.

E as cordas poden ser tan longas 

coma o noso pasillo!

Está feita de madeira, e debaixo ten 

seis flotadores para que non afunda. 

Andar por enriba é moi difícil, teñen que 

ter moito coidado para non caer.

Tamén ten unha pedra, que se chama MORTO, 

que está enganchada á batea por unha cadea. 

Lánzase a pedra ao fondo do mar e serve  para que non se mova a batea do sitio aínda que haxa vento.

Manuel madruga moito para ir traballar, 

pero contounos que agora as MÁQUINAS 

axúdanlles moito no seu traballo, 

e así poden rematar en menos horas.

Ensinounos como collen 

a cría de mexillón nas rochas,

 e como a colocan na corda 

poñendo por enriba unha malla.

Cando medra o mexillón, aos seis meses, colocan 

máis cordas e con axuda dunha MÁQUINA,

poñen unha malla máis grande.

No seu traballo ten que levar LUVAS, 

para protexer as mans das cunchas e das rochas, 

un PANTALÓN IMPERMEABLE para non mollarse...

...e botas de goma, para non mollar os pés.

Contounos que poden coller mexillón

 en toda a costa de  GALICIA, e despois 

envíase nun CAMIÓN enorme a ITALIA e FRANCIA. 

Tarda dous días en chegar, 

porque hai máis de 1.000 kilómetros!!

Collen os mexillóns no mar, NA NATUREZA. Despois

poden ir para as FÁBRICAS ou para a DEPURADORA. 

E finalmente para o MERCADO.

Para entender todo moi ben, e ver como traballan

os bateeiros, Manuel ensinounos uns vídeos moi chulos.

Explicounos que é moi importante coidar 

o mar e todos os seres vivos que viven nel, 

xa que todos teñen a súa función.

Os mexillóns pódense comer de moitas maneiras,

e de todas están riquísimos!!

Manuel tróuxonos varias receitas para probalos.

E mentres Xoan nos ensinaba un álbum de fotos

da súa familia traballando na batea...

...Manuel e Paula  preparáronnos

una merendola  moi especial.

 Ensináronnos a raspar moi ben

o mexillón para aproveitar todiños

os seus nutrientes!!

Moitas grazas Manuel, pola merenda tan

rica que nos trouxestes, e tamén por ensinarnos

tanto dunha profesión que temos moi preto.

Transmitíchesnos o bonito de traballar

na natureza, no mar, e tamén que é moi importante

estar preparados, saber nadar,  e ser moi coidadosos para traballar seguros e non facerse dano.

Recordamos o importante que é respectar e coidar

 o mar e a natureza para manter o equilibrio entre 

todos os SERES VIVOS.

E moitas grazas a Xoán por 

ser un axudante xenial!!

Pasámolo moi ben e aprendemos un montón!!

Ata a próxima!!