OBRADOIRO DÉBORA

Ola a todas e todos!!

O xoves visitounos Débora, a mamá de Irene, 

e contounos como é o seu traballo nunha XESTORÍA.

Comezamos reflexionando sobre para que 

serven os cartos, e démonos conta de que 

moitas das cousas que temos e facemos 

necesitamos pagalas con diñeiro.

Hai outras cousas que tamén costan diñeiro 

e parece que non  as pagamos nós directamente, 

coma os diferentes servizos que ofrece o Concello.

Pero comprendemos que os pagamos 

todos cos nosos IMPOSTOS.

 Pero...que son os IMPOSTOS?

 Para comprendelo moi ben Débora 

propúxonos facer un teatrillo!! 

Explicounos que é unha FACTURA, 

que partes ten e para que serve e 

puxémonos mans á obra na nosa tenda.

1º. Vendemos os produtos. 

O COMPRADOR PAGOU

e o VENDEDOR COBROU.

 2º. Ao recibir o diñeiro dos produtos

os VENDEDORES selaron as facturas cun

selo que poñía "PAGADO".

3º. O COMPRADOR levou a súa FACTURA. 

É importante tela, porque se queremos

devolver algún produto necesitámola. 

Pero  o VENDEDOR tamén se quedou cunha copia.

4º. Por último, o VENDEDOR mirou na súa copia

da factura que parte do diñeiro era de IMPOSTOS...

...e  levou ese diñeiro ao "Concello".

 Démonos conta de que do diñeiro que lle 

pagamos na tenda o vendedor non se queda con todo. 

Ten que quitar unha parte para pagar os IMPOSTOS.

E como na tenda xuntan moitas, moitas facturas,

Débora pode axudarlles a calcular canto diñeiro

teñen que pagar de IMPOSTOS para que non 

haxa ningún erro e todo estea correcto!!

Para rematar Irene repartiunos 

diñeiro...de chocolate!!

Moitas grazas Débora, polo agasallo que 

nos trouxeches e por compartir o teu tempo 

con nós para falarnos da túa profesión.

Comprendemos que todos os servizos e 

as cousiñas que o Concello coloca nas rúas 

e tamén o diñeiro que costa arreglalas pagámolo 

entre todos e todas cos nosos impostos.

Gustounos moito practicar as compras con 

moedas e billetes na nosa tenda, e 

encantounos  selar e entregar as facturas!!

Tamén saber que hai persoas que traballan para axudarnos cando temos que facer cálculos 

moi importantes con elas.

E moitas grazas a Irene por ser

unha excelente axudante!!

Pasámolo moi ben e aprendemos un montón!!

Ata a próxima!!