Ola a todos e todas!!
Onte o noso amigo Caretas escapou
da casa de Cayetana un intre para
deixarnos unha sorpresa.
Deixounos unha carta para dicirnos
que saiamos de excursión para coñecer
mellor o Concello!!
Alí explicáronnos as persoas que traballan alí,
e tamén os servizos que realizan.
Puidemos visitar algúns dos departamentos.
En cada un deles estaban traballando
en asuntos diferentes.
Tivemos ao ladiño as urnas que se
utilizaron nas votacións do domingo.
Tamén estivemos nas salas onde se reúnen
o alcalde e os concelleiros para debater os
asuntos da localidade e tomar decisións.
Por último visitamos a Biblioteca,
que tamén é un servizo do Concello.
Alí participamos nunha actividade moi
bonita: escribimos palabras
en galego en cintas de cores.
E despois fomos fóra da Biblioteca,
para colgalas xunto con outras que
deixaran outras persoas.
Quedaron moi fermosas!!
Por último volvemos ao cole, onde
nos esperaba o profe Toño para
entregarnos un detalliño.
Seguramente porque nos portamos
moi ben!!
No hay comentarios:
Publicar un comentario